Capitulum ecclesie
beati Petri […] de Posaga universis Christi fidelibus presentibus pariter et futuris
presentes litteras inspecturis salutem in domino sempiternam. […] Ad universorum
notitiam tenore presnetium […] volumus pervenire, quod Jacobus et Stephanus filii
Desew, ac Nicolaus filius Nicolai filiorum Berizlai nobiles de Grabaria comitatus
de eadem Posaga ab una parte, magnificus vir magister Nicolaus dictus Treutul
comes Posoniensis ex altera, coram nobis personaliter constituti, propositum extitit
per eosdem et relatum ministerio vive vocis […], ut quemadmodum possessionaria
divisio inter (con)dam [condam] Vysen, Michaelem et Vidus filios Benedicti, Benedictum
et Blasium filios Marceli [Marcelli] ab una, ac prenominatum Berizlaum filium
Berizlai avum eorum parte ab altera, mediantibus litteris nostris patentibus per
comitem St(ephanum) [Stephanum] filium eiusdem Berizlai patruum eorum coram serenissimo
principe domino Karulo [Karolo] dei gratia inclito […] rege Hungarie […] pridem
in specie presentatis et litteris dicti domini regis seriatim insertis olim facta
fuisset, sic et nunc ipsi, scilicet nobiles de Grabaria et magister Nicolaus Treutul
eandem divisionem inter se perpetualiter et irrevocabiliter assumpsissent et […]
assumpserunt coram nobis observandam. Cuius scilicet possessionarie […] divisionis,
ut in eisdem litteris regis per ipsas partes nobis exhibitis vidimus contineri
[…], mete sunt hec: Prima meta incipit juxta fluvium Zaua supra Glauichafug ab
arboribus harast, que est Berizlai a parte orientali, et keurus(!), que est partis
adverse a parte occidentali, inde tendens versus septemtrionem ad Cezyntou et
pervenit ad duas arbores keurus, que est Berizlai et harast, que est filiorum
Benedicti, inde pervenit ad ipsum Cezyntou et ibi sunt due arbores keurus, que
est Berizlai et harast, que est filiorum Benedicti, super quibus sunt signa et
sub eisdem mete terre ibique terminatur. In cuius (re)i memoriam firmitatemque
perpetuam presentes concessimus litteras sigilli nostri munimine roborando. […]
Datum feria tercia proxima ante festum beati Egidii abbatis et confessoris, anno
domini millesimo CCCo vigesimo sexto.
Vissza
a listára