Capitulum ecclesie beati Petri de Posaga universis Christi fidelibus presentibus
pariter et futuris presentes litteras inspecturis salutem in domino sempiternam
[…] Ad universorum tam persentium quam futurorum […] notitiam tenore presentium
volumus pervenire, quod Gregorio et Petro filiis Nicolai filii Gregorii pro se
et pro Paulo et [ac] Pousa fratribus ipsorum ab una parte, ab altera vero magistro
Stephano dicto Cymba filio Dominici quondam palatini in nostri presentia personaliter
constitutis, propositum extitit per eosdem et relatum concorditer oraculo vive
vocis […], ut iidem filii Nicolai filii Gregorii super morte seu homicidio eiusdem
Nicolai […] patris ipsorum per quosdam ad predictum magistrum St(ephanu)m [Stephanum]
dictum Cymba pertinentes habita et mota discordia seu contentione inter ipsos,
ut dixerunt […], interfecti, cum eodem magistro Stephano ad plene ac perpetue
[…] pacis concordiam devenissent, in hunc modum videlicet, quod idem magister
Stephanus dictus Cymba prenominatis filiis Nicolai filii Gregorii in satisfactionem
et plenariam expeditionem mortis seu homicidii patris ipsorum prenotati […], quandam
terram suam seu possessionem exceptam de possessione sua Dobolch vocata, metis
et terminis infrascriptis distinctam et separatam, item unum stagnum suum seu
piscinam de Dobolch vulgariter Gragya vocatam, in aqua Chernech existentem, unacum
duobus introitis aque vulgariter Fok vocatis Gwnkopanicha et Sauina videlicet
nuncupatis, dedisset, contulisset et tradidisset in heredum heredes […] jure perpetuo
irrevocabiliter possidenda, tenenda pariter et habenda […]. Obligans se nihilominus
prefatus magister Stephanus dictus Cymba et suos successores, quod si aliquis
vel quicumque […] prenominatos filios Nicolai ratione predictarum possessionum
processu temporis impetere attemptaret, extunc idem magister Stephanus aut sui
successores […] expedire tenerentur laboribus propriis et expensis […], qui si
expedire non possent, extunc contra prefatos filios Nicolai ultra integrale homicidium
patris eorumdem prenotatum in quinquaginta marcis ipso facto remanerent. Mete
autem predictam terram prout partes retulerunt circumdantes, hoc ordine distinguntur:
Prima meta incipit ab oriente in Dobolch potok [Dobolchpotok] subtus unum molendinum
et exit de ipso potok versus occidentem et pervenit ad arborem koktani, que est
in sessione Cupizlo, sub qua est meta terrea, inde eundo directe venit ad metam
terream, inde eundo transit unam silvam et venit ad metas antiquas Nicolai filii
Gregorii [Georgii], inde eundo in parvo spacio cadit in Scopchenyk potok [Scopchenykpotok],
abhinc eundo contra cursum eiusdem potok versus aquilonem pervenit ad magnam viam
Dobolch, ubi est arbor zyl cruce signata, sub qua est meta terrea, per quam scilicet
viam itur de Orboua, inde tendit per eandem magnam viam versus orientem in magno
spacio et transit Dobolch potok [Dobolchpotok] et venit ad arborem piri cruce
signatam, sub qua est meta terrea, inde adhuc eundo in eadem magna via in magno
spacio pervenit ad arborem piri cruce signatam, sub qua est meta terrea, ubi exit
de ipsa magna via et eundo versus meridiem cadit in quoddam potok, in quo scilicet
potok eundo per cursum aque exit de ipso potok ad dumum juhor ubi est meta terrea,
abhinc eundo pervenit ad arborem piri sub qua est meta terrea, inde eundo venit
ad dumos reketye, ubi est meta terrea, inde tendit ad arborem tul cruce signatam,
sub qua est meta terrea, abhinc eundo transit parvam silvam et venit ad arborem
zyl, sub qua est meta terrea, inde eundo juxta campum et sessiones Georgii pervenit
ad arborem gertyan, sub qua est meta terrea, abhinc reflectitur versus occidentem
et venit ad arborem juhor cruce signatam, sub qua est meta terrea, inde eundo
cadit in Jazwina potok [Jazwinakpotok], inde contra cursum eiusdem potok versus
aquilonem eundo pervenit ad caput ipsius potok, abhinc eundo juxta terram filiorum
Nicolai versus occidentem pervenit ad arborem piri cruce signatam, sub qua est
meta terrea, deinde eundo cadit in Dobolch potoka [Dobolchpotoka] et per cursum
ipsius potok eundo pervenit ad priorem metam ibique terminatur. In cuius rei meoriam
perpetuamque firmitatem presentes concessimus litteras sigilli nostri munimine
roboratas. […] Datum sabbato proximo ante festum beati Laurencii martiris, anno
dominice incarnationis millesimo CCCo vigesimo secundo.
Vissza
a listára