Capitulum ecclesie beati Petri de Pasaga omnibus Christi fidelibus tam presentibus
quam futuris salutem in domino sempiternam. Ad universorum notitiam harum serie
volumus pervenire, quod Nicolaus filius Gregorii ad nostram personaliter accedendo
presentiam a nobis humiliter postulavit, quod quia privilegium nostrum quondam
antedicto patri suo super facto possessionum emanatum per concremationem ecclesie
et sacristie fratrum Minorum de villa Pasagavar foret amissum, ut dicebat, cuius
par privilegii solito more in camera ecclesie nostre debuit reservari, quereremus,
eius dignis peticionibus annuentes, ubi ceterorum nobilium privilegia in dicta
camera ecclesie nostre sunt deposita diligenter querendo reperimus, cuius tenor
talis est: Nos igitur presens privilegium nostrum rite et legitime emanatum comperimus
et eidem Nicolao de verbo ad verbum rescribi fecimus et caractere sigilli nostri
communiri. In cuius rei memoriam firmitatemque perpetuam presentes concessimus
litteras sigilli nostri munimine roboratas. Datum in vigilia beati Mathey apostoli,
anno domini Mo CCCo decimo septimo.
Vissza
a listára