Nos capitulum ecclesie beati Petri de Posaga memorie commendamus per presentes,
quod Thomen filius Kudona de Zuynna ab una parte, comes Petrus filius Kupse ab
altera coram nobis personaliter sunt constituti, idem Thomen confessus est viva
voce, quod terciam partem cuiusdam particule terre Zemen vocate in Zuynna existenti(!)
ab Andrea Mortun et Paulus filiis Paulys(!), per ipsum et per Bude, Petrum et
Thomam fratres suos uterinos, cum una vinea in fine ipsius particule totalis a
parte meridionali inter Dragal Telky adjacenti, pro sex marcis conparatam, nondum
per metas et terminos sibi a fratribus suis separatam, cuius quidem [cuiusquidem]
tercie portionis terre predicte, simul cum aliis portionibus fratrum suorum supradictorum,
metas in litteris nostris privilegialibus, per dictum Thomen nobis exhibitis,
vidimus contineri, ipsi comiti Petro pro tribus marcis plene receptis, sicut dixit,
vendidisset jure perpetuo possidendam. Itaque quicunque eundem comitem Petrum
processu temporum, ratione ipsius tercie portionis terre infestare attemptaret,
idem Thomen expedire tenebitur laboribus propriis et expensis. Et quia prefata
particula terre per predictos filios Kudona adhuc est indivisa, propter huius
rei cautelam, ut tempore divisionis ipsa tercia pars sepefata, supradicto comiti
Petro juste valeat separari, ipsam terram secundum quod in ipsis litteris nostris
privilegialibus continetur, hoc ordine vidimus metis esse circumcinctam: Prima
meta incipit a parte occidentis de terra Domchyn, ubi est arbor piri meta terrea
circumfusa, inde ad metam terream que est in mege, inde tendit versus orientem
et asscendit(!) ad montem ad arborem harast, sub qua est meta terrea, [inde ad
arborem tilie sub qua est meta terrea] que stat juxta unam semitam, quam quidem
[quamquidem] semitam pertransit et cadit ad magnam viam Tysk vtha vocatam, ad
modum crucis jacentem, juxta quam est meta terrea. Inde versus meridiem pervenit
ad viam, per quam itur ad vineas, inde ad parvam vallem, de qua [que] exit versus
orientem ad arborem cerasi sub qua est meta terrea, inde per ipsam viam Tysk tendit
versus meridiem et cadit ad aliam magnam viam, que currit juxta terram Lukach,
inde declinat per berch nemorosum versus aquilonem ad arborem byk, inde descendit
ad campum, ad truncum cerasi, subtus quem est meta terrea. Inde adhuc asscendendo,
venit ad arborem cerasi juxta Elya Telky stantem, sub qua est meta terrea, parum
eundo venit ad priorem metam et ibi terminatur. Datum in crastino beati Johannis
Baptiste, anno domini Mo CCCo quindecimo.
Vissza
a listára