Nos capitulum ecclesie beati Petri de Posaga memorie commendamus per presentes,
quod Thomen filio Kudona, nobili de Zuynna ab una parte, comite Petro filio comitis
Kupse ex altera, coram nobis personaliter constitutis, idem Thomen confessus est
viva voce, quod omnes terras suas, tam hereditarias in terra Kapalicha vocata
existentes, quam empticias a filiis Paulus(!) in valle Zemenewelge vocata existentes,
portiones videlicet per modum divisionis a fratribus suis ipsum contingentes,
in hereditariis scilicet quartam partem, et in empticiis terciam partem, cum omnibus
utilitatibus et pertinentiis in eisdem portionibus habitis, eidem comiti Petro
et per eum suis heredibus heredumque suorum successoribus pro quindecim marcis,
partim in denariis, partim in estimatione condigna, plene ab ipso receptis, sicut
dixit, dedisset ac vendidisset, jure perpetuo et irrevocabiliter possidendas,
hoc vinculo mediante, quod quicunque eundem comitem Petrum, ratione memoratarum
terrarum infestarent temporis in processu, idem Thomen expedire teneretur propriis
laboribus et expensis. Itaque super premissis terris, divisione facta inter ipsum
et fratres suos, metas erigere debebit, et presentes privilegio nostro confirmare.
Si autem usque ad mortem suam divisionem predictam exigere non posset, extunc
idem comes Petrus eandem possidendi tanquam ipso vivente habebit plenam facultatem.
De terra etiam a filiis Dezyzlay, proximis suis, sibi et fratribus suis pro tribus
marcis inpignorata, terciam partem pro una marca sibi cedente(!), eodem ordine,
quo sibi est inpignorata, eidem comiti Petro tradidisset. Datum in festo ad vincula
sancti Petri, anno domini MoCCCo tercio decimo.
Vissza
a listára