Capitulum ecclesie
beati Petri de Posoga omnibus Christi [xpi] fidelibus tam presentibus quam futuris
presens scriptum inspecturis salutem in omnium salvatore. Mores et virtutes sapientum
sic reperiunt(!), ut ea que aguntur in temporis curriculo, ne per vetustatem temporis
et fragilitatem humane nature simul cum tempore confluantur et labantur, litterarum
patrociniis solent perhempnari, nam ea sunt irrevocabilia sine dubio, que per
series earum fulciunter [fulciuntur]. Proinde universorum sancte matris ecclesie
filiorum notitie auctoritate presentium volumus fieri manifestum, quod nobiles
viri, magistri videlicet Demetrius et Nicolaus filii comitis Alexandri [Alexandris]
de genere Aba pro se et pro Alexandro fratre eorundem ab una parte, Lukachius,
Petrus et Demetrius magistri filii comitis Petri de eodem genere pro se et pro
Ladislao ac Stephano fratribus ipsorum ab altera, cum sufficientibus procuratoriis
litteris domini regis coram nobis personaliter constituti, iidem filii comitis
Alexandri et filii comitis Petri prescripti in possessionibus ipsorum infrascriptis
talem divisionem concorditer inter se fecisse retulerunt viva voce, quod possessiones
Nekche, Pagarach [Nekchepagarach], Chabamezeu, Benezurduka, Weurustou, Compold,
Sonchol [Honchol], et Pata cum omnibus utilitatibus et pertinentiis suis universis
ad easdem spectantibus, iidem magistri Lucachius Petrus et Demetrius ac fratres
ipsorum predicti filii comitis Petri prenotati eisdem magistris Demetrio, Nicolao
et Alexandro filiis comitis Alexandri prefatis et per eos eorum heredibus heredumque
suorum succesoribus jure perpetuo et irrevocabiliter dedissent, donassent et concessissent
possidendas, tenendas et habendas, et concesserunt coram nobis. Econverso autem
possessiones Raduan, Zentmihal in comitatu Barania existentes et Zekuduor, Wassyan,
Arkichalan [Arkychalan] et alias quas habent inter fluvios Feirkeris et Morus
similiter cum omnibus utilitatibus et pertinentiis suis universis iidem magistri
Demetrius, Nicolaus et Alexander filii comitis Alexandri antedicti, eisdem magistris
Luche, Petro, Demetrio, Stephano et Ladislao filiis comitis Petri prefati et per
eos eorum heredibus iure pariter perpetuo dedissent et donassent possidendas.
Hoc etiam manifestarunt, quod quia possessiones prenotate eisdem magistris Demetrio,
Nicolao et Alexandro filiis comitis Alexandri prememoratis per eosdem magistros
Lukachium, Petrum, Demetrium, Stephanum et Ladislaum filios comitis Petri pretactos,
per modum divisionis, ut premittitur, perpetuo iam donate, maioris fructus et
utilitatis necnon quantitatis fore dinoscerentur, prout partes affirmarunt, iidem
magistri Lukachius, Petrus, Demetrius, Stephanus et Ladislaus filii comitis Petri
prenotati, pro quibusdam arduis negotiis ipsorum expediendis ab eisdem magistris
Demetrio, Nicolao et Alexandro filiis comitis Alexandri prenotatis mille et trecentas
marcas fini argenti ad rationem Budensem, et decem pecias panni ypri vocati, necnon
quinque equos sexaginta marcas valentes, asserverunt et dixerunt plene et integre
se iam recepisse. Preterea partes coram nobis retulerunt, quod possessionem ipsorum
emptitiam Lypolch [Lypolth] nuncupatam cum universis utilitatibus et pertinentiis
suis, certis metis et limitacionibus separando in duas etiam partes divisissent,
ex quibus una pars, a parte meridionali sita, cum universis utilitatibus suis,
videlicet simul cum castro Eluskw nuncupato, specialiter cum terris de juxta fluvium
Topl adjacentibus, cessisset magistris Demetrio, Nicolao et Alexandro filiis comitis
Alexandri prenominatis et per eos eorum posteritatibus perpetuo possidenda. Reliqua
vero parte eiusdem terre Lypolch [Lypolth] a plaga aquilonali existente, magistris
Luche, Petro, Demetrio, Stephano et Ladislao filiis comitis Petri prelibatis et
per eos eorum heredibus similiter cum omnibus utilitatibus et pertinentiis suis
universis perpetuo possidenda remanente. Mete autem, que separant portionem utriusque
partis in eadem possessione Lypolch [Lypolth] habitam, prout partes dixerunt ab
invicem, hoc ordine distinguntur: Prima siquidem meta incipit super duas arbores
ilicis a parte occidentali juxta terram Renoldi quondam palatini Zakula vocatam,
deinde per quandam semitam tendit versus partem orientalem, et descendit ad quendam
rivulum Triztinik nominatum, ab hinc transeundo ipsum rivulum per eandem semitam
ascendit ad quendam montem et eundo paululum in planitie venit ad quandam viam,
que venit de villa Chyzete, post hoc eundo per eandem viam venit ad quendam rivulum
Lypolchpotoka [Lypolthpotoka] appellatum et ibi transeundo per ipsum fluvium tendit
per quemdam monticulum beerch vocatum et in cacumine eiusdem monticuli progreditur
versus partem aquilonem(!), et deinde descendendo de eodem monticulo per eandem
viam divertit iterum ad partem orientalem, et venit ad quemdam rivulum et deinde
divertendo iterum ad partem aquilonem, per eundem rivulum ascendendo venit ad
quendam fontem, qui est juxta curtem seu sessionem eorundem, et deinde transeundo
venit ad ecclesiam sancti regis Ladislai, et ab eadem ecclesia descendendo per
villam versus orientem venit ad quasdam arbores nucum, que sunt juxta fluvium
Ylsua et juxta [eundem] fluvium ascendendo venit usque ad alium fluvium Nogpotok
nominatum, ubi iidem fluvii in unum conjunguntur. Deinde ascendendo per ipsum
fluvium Nogpotok vadit usque ad Scaraspotok, deinde vadit usque ad silvam, et
ibi cadit ad quandam viam, que venit de Soukuuth. Et transeundo per eandem viam
venit ad silvam, et eundo per eandem silvam venit ad quandam magnam vallem Lobou
nuncupatam, deinde transeundo ipsam vallem vadit per eandem viam ad quendam magnum
montem, et descendendo de eodem monte, venit ad quendam fluvium Lamnicha vocatum,
et descendendo juxta eundem fluvium per ipsam viam venit ad quendam locum venationis
Bykachlezy [Bykachlesy] nominatum, et ibi relinquendo ipsam viam divertit versus
plagas aquilonis, et eundo juxta alpes venit ad quendam lapidem qui vocatur Solymkw,
deinde eundo venit ad quendam montem Oblyk vocatum, ubi continuatur terris regalibus
pertinentibus ad Sarus, et ibi terminatur. Hoc etiam adjecto, quod si minera auri
et argenti vel cuiusvis generis metallorum aut salifodina seu puteus salis reperta
sunt, vel reperiri poterint in futurum in eadem possessione ipsorum Lypolch [Lypolth]
memorata, videlicet in portione utriusque partis, proventus huiusmodi partes communiter
percipient et habebunt. Cultores autem seu operarii metallorum eorundem salifodine
seu putei salis ad illam partem pertinebunt, in cuius portione reperta fuerint
metalli sales et puteus salis memorata, et pecuniam ad opus inchoandum ipsis operariis
partes dare communiter tenebuntur. Hoc etiam propalarunt, quod ad recuperationem
possessionum alienatarum, que in divisione utrysque partibus cessisse dignoscuntur,
partes adinvicem se juvare tenebuntur propriis laboribus et expensis. Ne igitur
ordinatio seu divisio possessionum ipsorum(!) prescriptarum per ipsos vel ipsorum
posteritates quoquomodo lapsu temporum possit vel valeat retractari, partes predicte
se tam in suis quam in personis suorum posteritatum obligarunt seu connexerunt
coram nobis. Quod quandocunque ratione divisionis possessionum ipsorum prememoratarum
modo premisso inter partes divisarum pars una vel eius posteritates contra partem
alteram aut eius successores quid questionis vel materiam litis palam aut calmdim
suscitaret seu moveret, extunc pars adversa contra partem unionem pacis observantem
in facto subcubitus duelli potencialis convinceretur eo facto, ad quod se partes
predicte spontanee obligarunt coram nobis. In cuius premisse divisionis et obligationis
memoriam perpetuamque firmitatem litteras nostras concessimus sigilli nostri pendentis
munimine roboratas. Datum per manus magistri Theophile(!) dicti Puer lectoris
ecclesie nostre, anno domini MoCCCo decimo primo, presentibus tamen Laurencio
preposito ecclesie nostre predicte, Demetrio cantore, Mathya custode, ceterisque
canonicis deo in eadem famulantibus.
Vissza
a listára