Capitulum ecclesie
de Posega omnibus Christi fidelibus presentem paginam inspecturis salutem in vero
salutari. Universorum notitie harum serie volumus fieri manifestum, quod Pertrus
filius comitis Cupse et Stephanus filius Conrardi ad nostrum personalem accedentes
presentiam et ipsorum nobis porrexerunt querimonia super eo, quod per combustionem
monasterii beati Demetrii martyris ecclesie videlicet fratrum Minorum de Posegavar
in sacristia ipsius ecclesie omnes litere ipsorum essent combuste et annichilate
et petebant cum instancia, ut alia paria omnium literarum ipsorum in camera ecclesie
nostre reinveniremus iterato duplicando, quorum precibus justis et petitionibus
condescendentes omnes arcas vel cistas in camera ecclesie nostre habitas debito
officio et diligenti studio excussimus predictas litteras requirendo, in quibus
quam plurimas literas ipsorum reperimus sub sigillo veteri atque novo, quorum
unum par sub novo sigillo nostro talem tenorem et continentiam efficit: Nos igitur,
quia predictas litteras nostras pro ipsis comite Cupsa et Conrardo emanatas sine
aliquo scrupulo operimus, de verbo ad verbum rescribi fecimus charactere nostri
sigilli roborando. In cuius rei memoriam firmitatemque perpetuam presentes concessimus
sigilli (nostri novi) munimine confirmando. Datum per manus discreti viri magistri
Demetrii lectoris ecclesie nostre in octavis festi virginis gloriose, anno domini
millesimo tercentesimo quinto.
Vissza
a listára