Capitulum ecclesie
beati Petri de Posega universis Christi fidelibus presentibus pariter et futuris
presentium notitiam habituris salutem in salutis largiture. Antiquorum invenit
prudentia et modernorum aprobat discretio, ut ea, que aguntur in tempore, ne simul
cum eodem elabentur, scripti patrocinio commendentur. Proinde ad universorum tam
presentium quam futurorum notitiam harum serie volumus prvenire, quod magister
Nicolaus filius Iwan de Lyppye ab une parte, Johannes filius comitis Ippoliti
ex altera coram nobis personaliter sunt constituti, idem magister Nicolaus confessus
est oraculo vive vocis, quod ipse quandam particulam terre sue in vicinitate terre
ipsius Johannis Zaworsya vocate, quam ex donatione ipsius domini sui comitis Gyleti
habet adjacentem, metis et terminis infrascriptis circumdatam, Johanni filio comitis
Ippoliti cum omnibus utilitatibus suis pro centum et LXXX sex marcis promptorum
denariorum viennensium, sicut dixit, plene receptis ab eodem Johanne, ex permissione
et bona voluntate Nicolai, Stephani et Petri filiorum suorum ac vicinorum et commetaneorum
suorum, videlicet Ipolity(!) filii predicti Ipoliti fratris prenotati Johannis
uterini, ac Ladizlai filii Benedicti de Pribma [Pribina] coram nobis personaliter
astantium vendidisset jure perpetuo in heredum heredes possidendam, tenendam pariter
et habendam, ita quod quicunque predictum Johannem filium comitis Ipoliti vel
heredes suos processu temporum impediret vel impedire vellet, supradictus magister
Nicolaus vel heredes sui expedire tenebuntur propriis laboribus et expensis. Cuius
quidem terre pri(ma) meta incipit de aqua Oryaua ubi est arbor zil, inde vadit
ad meridiem per quandam semitam et pervenit ad quandam magnam viam ubi est meta
terrea, inde ultra magnam viam et pervenit ad quandam arborem nucis prope villam
predicti Johannis Zaworsya vocata, inde per nemus ascendit ad quendam montem ubi
est meta terrea, inde vadit per nemus et ascendit ad quendam alium montem, inde
etiam versus meridiem eundo venit ad campum ubi est meta terrea, inde in eodem
campo vertitur ad occidentem et per berch pervenit ad quendam Belicolnich, inde
vadit ultra Belicolnich et per berch pervenit superius vineam Iwan Zubor dicti,
ubi est arbor haas, inde versus occidentem per berch vadit et pervenit prope terram
Brestowch vocatam, inde asscendit ad quendam montem ubi est meta terrea, inde
vertitur ad aquilonem iuxta predictam terram Brestowch vocatam descendit ad quendam
vallem, inde iuxta predictam terram Brestowch pervenit ad quendam riullum(!) Brestowch
pataka vocatum, ubi est meta terrea, inde transit ultra rivulum iuxta predictam
terram Brestowch vocatam vadit et pervenit ad predictam aquam Oryaua vocatam ubi
est terrea meta, inde vertitur ad oryentem(!) et per eundem fluvium Oryaue vadit
et pervenit ad quendam Belibreg vocatum ubi jacet magna via, inde vadit ultra
Oryauam et per eandem viam versus orientem vadit et pervenit ad quendam rivulum
Lokach vocatum ubi est meta terrea, inde vadit ultra rivulum per eandem viam iuxta
quendam berch et pervenit ad quoddam nemus, inde per eandem viam vadit ultra nemus
et pervenit ad quoddam(!) rivulum Kouachowch pathaka dictum ubi est meta terrea,
inde per eundem rivulum pervenit in fluvium predicte Oryaue, inde vertitur ad
occidentem iuxta Oryauam, vadit et pervenit ad priorem metam et ibi terminatur.
In cuius rei memoriam firmitatemque perpetuam concessimus litteras nostras pendentis
sigilli nostri munimine roboratas. Datum sabbato proximo ante festum beati Martini
confessoris, anno domini millesimo CCCo secundo.
Vissza
a listára