(C)apitulum ecclesie
beati Petri de Posoga omnibus Christi fidelibus presentibus pariter et futuris
salutem in domino sempiternam. Ad universorum notitiam harum serie volumus pervenire,
quod Johanne, Mychaele et Paulo filiis Pauli ab una parte, comite Marcello et
Johanne fratre suo de Babathov ex altera coram nobis personaliter constitutis,
iidem Mychael, Johannes et Paulus confessi sunt viva voce, quod quandam particulam
de terra eorum Komarycha vocatam a parte orientis iuxta terram Egidii filii Huncha
adjacentem, metis infrascriptis distinctam, cum omnibus utilitatibus suis habitis
in eadem, item duas vineas in terra eorum existentes, quarum una vinea Predragh
dicitur cum quadam particula terre iuxta eandem vineam a parte orientis adjacenti
et quantitatem eiusdem vinee in longitudine et latitudine habenti, et aliam vineam
Bogdozlay dictam, que per arbores nucis, que est in fine eiusdem vinee et pomorum
in medio mege sui et supra eandem existentes ab aliis vineis separatur, item terciam
vineam eorum empticiam Dubuch vinea nuncupatam in terra magistri Dominici Garad
pothoka nuncupatam, sitam et locatam, predicto Marcello et Johanni fratri suo
ac per eosdem eorum heredibus pro viginti quinque marcis plene receptis, sicut
dixerunt, dedissent, vendidissent et tradidissent perpetuo jure et irrevocabiliter
possidendam, ita quod quicunque processu temporum ipsum comitem Marcellum et Johannem
fratrem suum ratione preffate(!) terre et vinearum supradictarum infestare attemptaret,
iidem filii Pauli expedire tenebuntur laboribus propriis et expensis. Prima meta
incipit subtus domum eiusdem Marcelli, ubi exit de Kamaricha pothok et cadit in
caput cuiusdam putei lutuosi, inde tendit versus occidentem ad arborem nucis,
sub qua est meta terrea, inde asscendit ad montem ad metam terream, inde ad cacumen
eiusdem montis eundo venit ad metam, deinde in berch per barazda eundo ad metam
terream, deinde in eodem berch ad metam terream, ubi jungitur terre Egidii supradicti,
inde per antiquas metas, per quas iidem filii Pauli possiderunt, versus occidentem
ascendendo pervenit ad terram filiorum Radulma, deinde per berch et per viam giratur
versus aquilonem eundo pervenit ad caput cuiusdam putei, ubi est inter duas vias
arbor horozth, sub qua est meta terrea, inde per ipsum pothock(!) descendit ad
vallem Wrana, ubi sub arbore byk est meta terrea, et per ipsam vallem Wrana descendit
et cadit in fluvium Komarycha, inde parum descendendo circuit quoddam fenetum
et exit de Komarycha pothok et vadit ad arborem pomi, sub qua est meta terrea,
inde ad arborem pruny, sub qua est meta terrea, inde ad arborem kercy, sub qua
est meta terrea, inde ad dumum yhor, sub qua est meta terrea, inde ad metam terream,
que est in loco ubi cadit in quoddam pothok, quod quidem pothok cadit in Komarycha
pothoka et per cursum eiusdem Komarycha descendendo pervenit ad priorem metam
ibique terminatur. In cuius rei memoriam firmitatemque perpetuam presentes concessimus
litteras nostri sigilli munimine roboratas. Datum per manus discreti viri magistri
Teophili dicti puerlectoris(!) ecclesie nostre, in octavis festi beati Georgii
martiris, anno eiusdem(!) millesimo trecentesimo.
Vissza
a listára