Capitulum ecclesie
beati Petri de Posoga omnibus Christi fidelibus presentibus pariter et futuris
salutem in domino sempiternam. Ad universorum noticiam harum serie volumus pervenire,
quod nos consideratis et circumspectis fidelitatibus et meritoriis servitiis comitis
Zah filii Farkasii nostre ecclesie et nobis fideliter inpensis usque modo, volentes
eundem de bonis ipsius ecclesie nostre aliqualiter participare, in recompensationem
sui laboris et servitii de communi consensu et pari voluntate quendam fundum curie
in territorio ville ecclesie nostre Adryanfalva vocate, a parte orientis iuxta
nemus et supra fluvium Sulch adjacentem, cum particula terre arabilis, cuius metarum
distinctiones inferius exprimuntur seriatim, predicto comiti Zah et per eum suis
heredibus, more aliorum terras tenentium, quamdiu tam ipse quam sui heredes sepedicte
ecclesie nostre et nobis fideles extiterint, dedimus, contulimus et tradidimus
perpetuo iure possidendum. Nemus autem supra ipsum fundum existens tam sibi pro
sua utilitate quam ceteris jobagionibus nostris in villa Adryani residentibus
commune habeatur, prefatus vero Zah ratione ipsius fundi et terre arabilis singulis
annis singulum fertonem in festo penthecosten nobis solvet conditionaliter annuatim.
Prima enim meta ipsius terre arabilis incipit a parte aquilonis in angulo ipsius
nemoris et versus orientem directe per terras arabiles descendendo cadit in fluvium
Sulch pothoka, per cursum cuius descendendo in modico transit ipsum fluvium ad
metam terre que est iuxta ipsum fluvium, et ab hinc versus orientem eundo pervenit
ad aliam metam terre, inde declinat versus meridiem et per mege(!) eundo pervenit
ad metam terre, que est iuxta viam, per quam versus occidentem eundo cadit in
fluvium supradictum, quod pertransit iterato in quodam portu, iuxta quem exit
et circa terras comitis Trystani in mege spinosum versus occidentem asscendendo
pervenit ad arborem piri silvestris, sub qua est meta terre, inde pervenit ad
alium angulum ipsius nemoris supradicti et ibi terminatur. In cuius rei memoriam
firmitatemque perpetuam presentes concessimus litteras sigilli nostri munimine
roboratas. Datum per manus magistri Theophyli dicti puerlectoris(!) ecclesie nostre,
in octavis festi nativitatis beati Johannis Baptiste anno domini MoCCo nonagesimo
nono.
Vissza
a listára