Nos capitulum ecclesie
sancti Petri de Posoga memorie commendantes significamus universis, quod Johanne
filio comitis Petri pro se et pro Borichio ac Belud fratribus suis ab una parte,
Nicolao filio Inocha ab altera coram nobis personaliter constitutis, predictus
Johannes confessus est viva voce, quod quandam terram suam Gramachnik vocatam
suam portionem contingentem, quam pater suus a Raitoldo et Mathia filiis Lorandi
bani pro triginta duabus marcis comparaverat, supradicto Nicolao et suis heredibus
pro eisdem triginta duabus marcis plene receptis ex voluntate predictorum Borichii
et Belud fratrum suorum vendidisset perpetuo possidendam, expediturus se assumpmendo
ab eisdem fratribus suis, si processu temporum super hoc facto contradixerint.
Cuius terre prima meta incipit a parte occidentali in capite rivuli Dolboki [Dolkoki]
vocati, et ibi sub arbore piri est meta terrea, inde asscendit ad berch versus
aquilonem et pervenit ad viam antiquam et ibi est meta terrea, inde per idem berch
tendit versus orientem et pervenit ad quoddam kalista, et ibi sub arbore harazth
est meta terrea, et pervenit ad locum Vadista vocatum, inde per idem berch et
antedictam viam pervenit ad viam, que venit a parte meridionali et ibi sub arbore
yhor est meta terrea, inde flectitur ad meridiem et pervenit usque ad unam kalista(m)
[unum kalista], ubi sunt tres arbores cherasorum et sub ipsis meta terrea, inde
venit ad arborem pomi, sub qua est meta terrea, deinde descendit ad tres arbores
cherasorum, et ibi prope est fons, qui dicitur Gramachnikfew in ipsa terra, a
parte orientali commetatur terre filiorum Zabow, ab aliis vero partibus in eadem
latitudine, qua in capite metarum ipsa terra extenditur per silvam usque Murzuna,
usque ad Zawam protenditur. Dixit etiam idem Johannes, quod quandocunque presentes
nobis fuerint reportate, non obstante ipsius absencia, litteras nostras privilegiales
faceremus super hoc facto emanari. Datum infra octavas beati Michaelis archangeli
anno domini Mo CCo nonagesimo tercio.
Vissza
a listára