Magister Laurencius
prepositus ecclesie sancti Petri de Posaga omnibus Christi fidelibus presentes
litteras inspecturis salutem in omnium salvatore. Ad universorum notitiam tam
presentium quam futurorum harum serie volumus pervenire, quod nos attendentes
nobilitatis probitatem nobilis viri Zah filii Farcasii et puram devotionem, quam
in persona nostra habet, nec non considerantes fidelitatem et meritoria servitia
magistri Petri, fratris eiusdem, concanonici nostri, que nobis exhibuit et exhibere
se promittit in futurum, quandam particulam terre, de terra ecclesie nostre exceptam,
iuxta terram eorundem a Tristano filio Gutharth precio comparatam, adjacentem,
pro curia eisdem Zah et magistro Petro ac ipsorum successoribus, quamdiu fideles
ecclesie et nobis extiterint, dedimus, donavimus et assignavimus perpetuo possidendam,
ita tamen, quod singulis annis in festo pentecostem pro ipsa particula terre nobis
aut nostris successoribus solvent unum fertonem. Dicimus etiam, quod quandocumque
eisdem Zah et magistro Petro ipsam particulam terre resignare placuerit, soluto
fertone, edificia sua, que super ipsa terra per eosdem edificata fuerint, vendendi,
seu asportandi liberam habeant facultatem. Cuius terre prima meta incipit a parte
septemtrionali ubi exit de Syuoch potoka in dumum avellanarum et ibi in dumo est
meta terrea, inde vadit ad orientem per quoddam mege ad metam terre, de inde ad
finem ipsius mege iterum ad metam terream, inde reflectitur ad meridiem ad aliud
mege ad metam terream, de inde per ipsum mege tendit ad orientem ad metam terream,
ab hinc in fine ipsius mege est meta terrea, inde conjungitur ipsum mege ad tercium
mege et reflectitur per ipsum ad meridiem ad metam terrea, inde per eundem mege
eundo venit usque viam iuxta quam est meta terrea, inde per eandem viam vadit
ad occidentem et venit in Syuoch potoka, et contra cursum aque venit superius
ad primam metam et ibi terminatur. In cuius rei memoriam et nostre donationis
munimine ac perpetuam stabilitatem nos presentes litteras nostras predictis Zah
et magistro Petro concessimus sigilli nostri munimine roboratas. Datum in die
pentecostem. Anno domini MCC nonagesimo secundo.
Vissza
a listára