Capitulum ecclesie
beati Petri de Posoga omnibus Christi fidelibus tam presentibus quam futuris salutem
in domino sempiternam. Ad universorum notitiam harum serie volumus pervenire,
quod Gregorio filio Zoyda pro se et pro Zoida ac Mathia [Mothia] filiis Mathie
ab una parte, Benedicto et Jacobo filiis Odola pro se et pro Michaele fratre ipsorum
ab altera coram nobis personaliter constitutis, dixerunt, quod super terra Banichev
vocata, cuius medietatem Gregorius cum filiis Mathie requirebat, ad talem pacis
formam devenissent, quod idem Gregorius una cum filiis Mathie dimidietatem terre
supradicte reliquisset filiis Odola cum omnibus utilitatibus suis perpetuo possidendam,
et iidem filii Odola in conquambium(!) [concambium] eiusdem terre quandam terram
ipsorum sitam in Orioicha a Nicolao filio Haranch comparatam, exceptam et distinctam
in metis infrascriptis, quibus comes Nicolaus filius Izdizlai particulam eiusdam
[eiusdem] terre comparavit secundum continentiam litterarum nostrarum, similiter
dedissent et assignassent cum omnibus utilitatibus perpetuo possidendam, ita quod
quicunque ipsum Gregorium (et filios) [et filios] Mathie ratione eiusdem terre
infestare attemptaverit, iidem filii Odola tenebuntur expedire propriis laboribus
et expensis, et similiter quicunque filios Odola ratione dimidietatis terre prenotate
infestaverit, Gregorius et filii Mathie ipsos in suis actionibus et causis tenebuntur
adiuvare [admittere]. Si quis autem ex ipsis de presenti forma pacis resilierit
[resiliverit], et hoc pars se defendens per scitum comitis Benedicti et comitis
Stephani filii Jaco, Johannis filii Otholini, et Nicolai filii Izdizlai, et capituli
pro utraque parte approbare poterit, quinquaginta marcas ante litis ingressum
parti se defensanti, et quinquaginta marcas judici solvere tenebitur. Mete autem
terre, quam filii Odola Gregorio et filiis Mathie contulerunt, hoc ordine distinguntur:
Prima meta incipit in portu sub domo Nicolai de Orioicha, et inde vadit ad orientem
in medio cuiusdam feneti et terrarum arabilium tendens ad … et pervenit ad metam
Horuskoch, et separatur de terra comitis Nicolai commetanei ipsius Gregorii, et
per berch eundo … dirigitur usque terram ecclesie sancti Michaelis, et cadit in
siccam vallem ad partem occidentalem, pervenit ad flu(vium) … et ipsum Orioicha
pervenit ad portum supradictum, ibique terminatur. I(n cuius re)i [In cuius rei]
memoriam firmitatemque perpe(tuam pre)s(entes) [perpetuam …] eidem Gregorio concessimus
litteras sigilli nostri munimine roboratas. Datum in festo apostolorum Philippi
(et Jacobi) [et Jacobi], anno domini MoCCo LXXXo tertio.
Vissza
a listára