Capitulum ecclesie
beati Petri de Posega omnibus Christi fidelibus tam presentibus quam futuris salutem
in domino sempiternam. Ad universorum notitiam harum serie volumus pervenire,
quod Petrus Cupse pro se et filiis suis, Nemana filius Budak pro se et pro fratribus
suis ab una parte, comes Cupse et Conradus frater eiusdem filius comitis Petri
ab altera coram nobis personaliter sunt constituti et idem Petrus ac Nemana confessi
sunt viva voce, quod quandam terram ipsorum hereditariam unanime possessam sitam
in Predisinch cum omnibus utilitatibus suis et pertinentiis, molendino sito super
fluvio Oriaua ac duas vineas ipsorum sitas super terram Mortunus, Odula, Philipi,
Mirozlai, Tucen et Symonis pro debito decem marcarum, quas a comite Cupse et fratre
eiusdem se plene recepisse dicebant et eisdem sibi teneri ex volunptate Symonis,
Tucen et Mirozlay filiorum Omehyth, Odula, Mortunus prelibati, Philippi filiorum
Mortun, Prosa, Bogda filiorum Zvoysa, Bolezley, Boleard filiorum Nadehna, Marthyn,
Petin, Petrus Odolini et Jacobi filiorum Prodasa, Mortun et Mortunus filiorum
Bosay et cognationum eorundem Pouse filii Dabichna et cognationis eiusdem Misecha
Dragoth et cognationis eiusdem Fabiani comitis cognationisque eiusdem, Brahata
et fratris sui filiorum Radyn supradicto comiti Cupse et fratri suo vendidissent
et locassent perpetuo possidendam. Mete autem eiusdem terre, sicut iidem nobis
retulerunt, hoc ordine distunguntur: Prima meta incipit iuxta quoddam malaka tendens
ad meridiem iuxta terram filiorum Omehit et filiorum Mortun ad arborem piri sub
qua est meta terrea, inde ad metam terream, inde ad fluvium Oriava et ibi est
meta terrea, transitoque ipso fluvio Oryava pervenit ad arborem kuguen et ibi
est meta terrea, inde similiter ad metam terream post hec vadit ad quoddam aliud
malaka et pervenit ad arborem zyl, inde intrat sylvam et exit ad arborem tyz sub
qua est meta terrea, inde transit magnam viam et ibi est meta terrea, inde venit
ad arborem munuro et ibi est meta terrea, inde ascendit ad berch et venit ad arborem
harazth, inde transit silvam et pervenit ad arborem byk et ibi est meta terrea,
inde ad arborem zyl, inde tendit versus occidentem et intrat in quoddam potok
Vinnipotok vocatam ibique cometatur terre filiorum Radyn et in modico reflectitur
versus septemtrionem in eodem potok et exit ad arborem ihor, inde tendit ad arborem
piri et ibi est meta terrea, inde transit magnam viam ad arborem tyz et ibi intrat
silvam et venit ad arborem harazth, inde ad fluvium Oryava et ibi est meta terrea,
inde reflectitur ad orientem et ibi exit ad arborem ihor ad metam terream, inde
ad aliam terream ibique intrat silvam et venit ad malaka supradictum ibique terminatur.
In cuius rei memoriam firmitatemque perpetuam presentes eidem comiti Cupse et
fratri suo concessimus literas sigilli nostri munimine roboratas. Datum anno domini
millesimo ducentesimo septuagesimo tertio.
Vissza
a listára