Capitulum ecclesie beati Petri de Posaga omnibus Christi fidelibus presentium
noticiam habituris salutem in domino sempiternam. Ad universorum noticiam tam
presentium quam futurorum harum serie volumus pervenire, quod magistro Mathya
filio Rolandi bani pro se et pro Ratoldo fratre suo uterino ab una parte, comite
Benedicto filio comitis Iwanche ab altera coram nobis personaliter constitutis,
idem magister Mathyas confessus est oraculo vive vocis, quod licet primo et principaliter
quasdam possessiones suas Golgova [Golgoua] et Pethna vocatas, in comitatu de
Posaga existentes, quas primo secundum quod in prioribus litteris nostris patentibus
inspeximus, predicto comiti Benedicto idem Mathyas et Ratoldus personaliter comparentes
pro centum et quadraginta quinque marcis inpignorassent tali modo, quod si in
die et termino assignato pro eisdem centum quadraginta et quinque marcis redimere
non curarent vel non possent, extunc dupplo earundem centum quadraginta quinque
marcarum subjacerent; tandem ipso die redempcionis adveniente, predictas possessiones
Golgoa(!) et Pethna idem magister Mathyas et Ratoldus, ut assumpserant, redimere
nequiverunt, sed predictus magister Mathyas, ut prediximus paulo ante, pro se
et pro fratre suo personaliter comparendo, communi consensu et pari voluntate
predictas possessiones Golgoa [Galgoa] et Pethna cum turri sive castro et cum
omnibus utilitatibus suis et pertinenciis ac circumstanciis, metis et terminis
infrascriptis circumdatas et vallatas, pro quatringentis marcis in argento et
denariis plene coram nobis receptis, predicto comiti Benedicto, et per eum suis
heredibus, heredumque suorum successoribus ex permissione et voluntate predicti
fratris sui, sicut se idem Ratoldus personaliter comparendo medientibus litteris
nostris patentibus sepedicto magistro Benedicto obligaverat, dixit se vendidisse
iure perpetuo et irrevocabiliter possidendas, tenendas pacifice et habendas. Mete
autem predictarum possessionum Pethna et Golgoa vocatarum hoc ordine distinguntur.
Incipiendo a parte meridionali in capite Babawelge inde versus meridiem ascendit
ad birch cuiusdam montis Mothock [Motheck] vocati, abhinc per birch vadit per
viam Keralwa vocatam versus orientem [occidentem], de quo birch et via descendit
ad unum puteum Detrichkuta vocatam [vocatum], qui est pro meta, hinc per cursum
putei descendit et cadit in Pethna potoka, ubi commetatur terre Burstian, inde
contra cursum ipsius Pethna potoka [Pethnapotoka] vadit ad partem septemtrionalem
in modico spacio usque ibi, ubi quidam rivulus cadit ad Pethna potoka [Pethnapotoka],
abhinc contra cursum ipsius rivuli eundo pervenit ad caput eiusdem, de cuius rivuli
capite ascendit ad birch ad septemtrionem, ubi commetatur terre filiorum Budimiri,
et per ipsum birch vadit usque metas terre Golgoa ad magnam viam, per quam itur
ad Posagawar, ubi incipit meta terre Golgoa in magna via, et transit ipsam viam,
pervenitque ad arborem harazt cruce signatam et per eandem viam reflectitur ad
orientem per bonum spacium, et pervenit ad metam terream, de qua reflectitur versus
septemtrionem et pervenit ad arborem borkolcha, sub qua est meta terrea, inde
descendit per quandam saxosam vallem, et cadit (in) flumen Golgoa in loco ubi
rivulus Bukoa ryka [Bukoaryka] cadit in ipsam Golgoa, et per eandem tendit versus
orientem per modicum spacium, exiensque de ipso fluvio per vallem ascendit in
montem, et per ipsum montem versus orientem eundo pervenit ad caput cuiusdam putei,
inde tendit versus meridiem et pervenit ad metam terream, inde ad arborem ihor,
que est in capite cuiusdam rivuli, inde ad metam terream, et sic eundo per metas
terreas pervenit ad magnam viam, qua itur in Berezna, et ibi est meta terrea,
transiensque ipsam viam pervenit ad lapidem, qui est pro meta, ubi commetatur
terre filiorum Benedicti Poryk vocate, inde transit flumen Golgoa et tendit per
campos in bono spacio, et pervenit ad montem Mothochech(!) et ibi est arbor piri
pro meta, et per eundem montem ascendendo transit in rivulum Mothochech versus
meridiem, inde pervenit ad caput predicte vallis Babawelge ad metam antedictam,
ibique terminatur. In cuius rei memoriam firmitatemque perpetuam presentes concessimus
litteras sigilli nostri munimine roboratas. Datum et actum anno domini MoCCo octuagesimo
secundo.
Vissza
a listára