Capitulum ecclesie sancti Petri de Posoga omnibus Christi fidelibus tam presentibus
quam futuris salutem in domino sempiternam. Ad universorum noticiam harum serie
volumus pervenire, quod magister Bertholo(meus) [Bertholom] filius Jacobi per
literas suas autenticas et per Natum custodem ecclesie nostre, quia infirmitate
prepediente personaliter coram nobis comparere nequierit, nobis fecit manifestum,
quod quandam possesionem suam Paca vocatam, Emirico [Emerico] filio Athanas pro
septuaginta marcis denariorum, quas cum in legatione domini regis Romam iverat,
se dixit recepisse, insuper et pro meritoriis serviciis eiusdem Emirici dedisset,
donasset et locasset perpetuo possidendam, commetanei autem ipsius terre sicut
in literis eiusdem magistri Bartholomei [Bartholmi] vidimus contineri, sunt hii:
Thomas comes videlicet et fratres sui filii Petri, Wlkoslau [Wekozlau] filius
Buda, Thomas filius Laurencii, et idem magister Bertholo(meus) [Bertholom] in
possessionibus Worhoyna et Nevna vocatis. Nos igitur ad peticionem eiusdem magistri
Bertholom(e)i [Bertholomi], ut justum erat, inclinati, presentes ad robur perpetue
firmitatis ipsi Emirico concessimus literas sigilli nostri munimine roboratas.
Datum anno domini MoCCoLXXX primo.
Vissza
a listára