Capitulum ecclesie sancti Petri de Posaga omnibus Christi fidelibus tam presentibus
quam futuris salutem in domino sempiternam. Ad universorum noticiam harum serie
volumus pervenire, quod Herele filius Obrad ab una parte, nec non Prousa et Poruozlau
filii Zuoysa pro se et pro Bogda fratre ipsorum minori ex altera coram nobis personaliter
constituti, et idem Herele confessus est viva voce quandam particulam terre sue
hereditarie sitam in Predysynchyn, contiguam terre predictorum filiorum Zuoysa,
ipsis Prousa et Poruozlao pro quinque pensis denariorum vendidisse perpetuo possidendam,
astantibus et concedentibus Symone, Tuchen et Myrozlao filiis Omchyd, pro quibus
Symon frater ipsorum comparavit, et Petro filio Cupse, item Nemouche pro Budak
patre ipsorum, item Odula et Martino pro se et pro Philippo fratre ipsorum. Cuius
prima meta incipit iuxta terram predictorum cognatorum suorum ab oriente penes
Wodozkak potoka tendens ad quandam semitam et ibi est meta terrea, et per ipsam
semitam pervenit ad magnam viam qua itur ad castrum, inde transita ipsa magna
via est meta terrea, inde venit ad quoddam mege, et ibi est meta terrea in fine
ipsius mege, inde reflectitur ad orientem iuxta terram Symonis sepedicti et venit
ad arborem piri et ibi cadit in supradictum potok et per eundem tendit superius
et pervenit ad metam antedictam. Item iidem Symon et alii superius nominati dixerunt,
quod quoddam novellum Laz vocatum, pro quinquaginta denariis eisdem Prousa et
Porvozlao vendidissent perpetuo possidendum, quod idem Laz situm est iuxta vineam
supradicti Poruozlai, et circuit ipsum quedam via usque terram eorundem. In cuius
rei memoriam firmitatemque perpetuam presentes litteras ad instanciam predictorum
concessimus eisdem Prousa et Poruozlao sigilli nostri munimine roborando. Datum
anno gracie millesimo CCLXXX.
Vissza
a listára