Capitulum ecclesie beati Petri de Pasaga [Posaga] omnibus Christi fidelibus tam
presentibus quam futuris salutem in domino sempiternam. Ad universorum noticiam
harum serie volumus pervenire, quod Rocoldus filius Rolandi bani ab una parte,
et Ladizlaus, Arnoldus, Gula ac Blasius filii Zoboo ab altera coram nobis personaliter
[personalites] sunt constituti, et idem Rocoldus confessus est viva voce, quandam
particulam terre sue empticie Pechne vocate, que Jelsewek dicitur, supradictis
Ladizlao, Arnoldo, Gyule(!) ac Blasio pro triginta marcis denariorum plene receptis
vendidisse perpetuo possidendam; ita (tamen) [tamen], quod si frater suus, vel
quicunque de cognatis suis et aliis ipsam particulam terre de supradictis filiis
Zoboo processu temporum impeteret, idem Rocoldus tenebitur expedire. Prima meta
ipsius terre, sicut iidem retulerunt, incipit a parte septemtrionali iuxta quoddam
kalista, que est iuxta viam in monte Mocheych, tendens ad meridiem, et descendit
inferius ad Jelsewech potoka [Jelsewechpotoka], et per ipsum potok descendendo
exit ad arborem piri; inde vadit per silvas ad arborem fyz, inde per quandam planiciem
pervenit ad arborem harasth que est iuxta quoddam fuk, quod dicitur gardinin,
quod etiam currit de fluvio Morchuna, inde ad fluvium Zava iuxta terminos filiorum
Benedicti, et per ipsam aquam Zava tendit superius ad occidentem, et exit iterum
ad aquilonem, et semper venit in silva in quantitate et spacio terre exterius
continentis et pervenit ad fluvium Murzuna, transitoque ipso fluvio Murzuna vadit
directe versus eandem plagam, et exit in quandam vallem, in qua est Gramachnyk
potoka [Gramachnykpotoka], et per ipsum potok pervenit ad caput eiusdem; inde
descendit ad berch et cadit in quandam viam, et per ipsam viam pervenit ad kalista
supradictum, ibique terminatur. In cuius rei memoriam firmitatemque perpetuam
presentes sepedictis filiis Zoboo concessimus litteras sigilli nostri munimine
roboratas. Datum anno gracie millesimo CCo LXXXo.
Vissza
a listára