Capitulum ecclesie beati Petri [Patri] de Posaga [Posoga] omnibus Christi fidelibus
tam presentibus quam futuris salutem in domino sempiternam. Ad universorum noticiam
harum serie volumus pervenire, quod Ladizlaus filius comitis Pasca et Nicolaus
filius Sinchud [Emchud] ab una parte, magister Dacianus et Christoforus filius
[filii] Johannis consobrini comitis Paska(!) [Pasca] ab altera coram nobis personaliter
conparentes [comparentes], iidem Ladizlaus et Nicolaus confessi sunt viva voce,
quod terram Borsod vocatam in comitatu de Wolkou existentem, quam rex Bela felicis
recordationis aduc(!) [adhuc] tempore sui ducatus comiti Pasca patri eiusdem Ladizlai
contulerat, cuius terre medietatem idem Ladizlaus supradicto Nicolao et [ex] concessione
regia dederat et assignarat supradictis magistro Dacyano et Christoforo pro quadraginta
et duabus marcis partim in denariis et partim in estimacione condigna plene receptis
vendidissent perpetuo possidendam, quas tamen XL et duas marcas magister Dacyanus
et Christoforus persolverunt coram nobis Ladizlao et Nicolao prenotatis. Dixit
etiam Ladizlaus, quod non solum predictam terram Borsod pro predicta summa pecunie
vendidisset, verum etiam maxime pro eo dedisset, quod cum comes Paska pater eiusdem
in extremis laboraret, paterna benedictione sibi injunxisset, ut si heredum solacio
destitutus fieret [foret], nemini de cognatis suis eandem terram vendere seu dare
presumeret [presumpmeret], nisi filiis Johannis consobrini sui, videlicet magistro
Dacyano et Christoforo prenotatis, nec hoc pretermittimus, quod Ladizlaus et Nicolaus
prenotati, recepta sepedicta [dicta] pecunia plenarie privilegium regis Bele super
collatione eiusdem terre confectum in manus magistri Dacyani et Christofori statuerunt
coram nobis, sepedictam terram Borsod in metis et terminis in ipso privilegio
continentibus tenendam et possidendam in filios filiorum suorum relinquendo. In
cuius rei memoriam firmitatemque perpetuam presentes concessimus ad instanciam
et peticionem Ladizlai et Nicolai predictorum, sigilli nostri munimine roborando.
Datum anno domini Mo CCo septuagesimo nono.
Vissza
a listára