Capitulum Ecclesie Beati Petri de Posega [Posaga] omnibus presentem paginam inspecturis
salutem in omnium salvatore. Noticie singulorum volumus declarare, quod constitutis
coram nobis Mark comite ex una parte, ex altera vero Cheh terram tenente domine
regine, confessus est se dictus Mark comes coram nobis, terram suam, quam de Dras
terram tenente precio comparaverat, pro eo quod ipsa terra erat contigua terre
dicti Cheh, et magis ipsi Cheh precio comparari congruebat, quam alteri alicui,
supra dicto Cheh dicto Dras presente pro quinque marcis argenti integraliter ad
se receptis vendidisse sub eisdem metis et terminis distinctam et circumcinctam,
quibus a supra dicto Dras precio comparaverat, in perpetuum pacifice et quiete
possidendam. Sed quia Cheh prememoratus sub tali estimacione, qua Mark comes de
Dras emerat, noluit [voluit] precio comparare; pro maioris (így) rei cautela hii
nobiles, videlicet Thomas filius Chepani, Halen terram tenens, Georgius et Helias
vicecomites de Posaga, ad ipsam terram estimandam sunt destinati; qui postmodum
inde revertentes dictam terram pro quinque marcis argenti esse estimatam presente
ibidem dicto Dras nobis retulerunt. Cuius terre prima meta a parte occidentali
incipiendo est iuxta quendam potok, qui vulgariter [vulgari] Scorinpotok nominatur,
et ibi habetur narfa pro meta; inde vero versus orientem exit eundem potok, et
transit quandam viam, ubi prope eandem viam terminatur ad metam terream; abhinc
vero recte procedendo descendit ad bicfa, que arbor in siccam vallem habetur pro
meta, et per eandem vallem inferius descendendo cadit in rivum Cohinnich; et transiens
eundem rivum ascendit ad arborem que vulgo harastfa vocatur, sub qua est meta
terrea; inde vero superius ascendendo transiens quoddam berch descendit ad gurtanfa,
sub qua est meta terrea; inde vero descendens cadit ad Sciuinnecpotok; abhinc
per eundem potok superius parum ascendendo exit eundem potok, et dirigitur ad
magnam bicfa, sub qua est meta terrea; dein [deinde] ascendit ad reketiafa, sub
qua est meta terrea; inde vero versus meridiem transit quandam viam, et prope
eandem viam sub harastfa habetur meta terrea; inde vero vadit ad aliam harastfa,
sub qua est meta terrea; abhinc vero descendens cadit in siccam vallem, et per
eandem vallem descendit ad silvam Zava, et eandem silvam versus occidentem recte
transiens cadit in rivum Cohinnich, et per eundem rivum versus septemtrionem superius
ascendendo cadens in quandam siccam vallem reflectitur versus occidentem, et per
eandem vallem dirigitur ad narfa, sub qua est meta terrea; inde vero descendens
in Scorinpotok antedictum reflectitur versus septemtrionem, et tenet eundem potok
donec pervenit ad primam metam, que sub narfa antedicta habetur. ln cuius rei
memoriam et certitudinem pleniorem litteras presentes nostri sigilli munimine
ad instanciam dicti Mark comitis supradicto Cheh contulimus roboratas. Actum anno
gracie M° CC° sexagesimo tercio.
Vissza
a listára