J. prepositus ecclesie sancti Petri de Posoga et capitulum eiusdem loci universis
presentem paginam inspecturis salutem in vero salutari. Noverit universitas
vestra, quod ex una parte Crabocha relicta Pauli quondam clavigeri domine regine
unacum filio suo Johanne et fratribus eiusdem P(auli) ac consangvineis videlicet
Ladomir, Inislo, Bogdoslo, Andrea, et Radca cum filiis suis ac aliis cognatis
eorundem Martino vero comite filio Mika coram nobis ex altera constitutis, eadem
domina confessa est viva voce, se quandam terram suam nomine Deminch et Rodove
de voluntate dicti J(ohannis) filii sui ac fratrum et consangvineorum eiusdem
P(auli) supramemoratorum prefato M(artino) comiti pro quadraginta pensis argenti
vendidisse et pecuniam plenarie recepisse. Cuius terre prima meta incipit ab
oriente in dumo viminum que dicuntur reketyafa et ibi commetatur terre Polizlov
filii Hrank, ab inde tendit versus occidentem per metas terreas commetando terre
Wrbna usque ad terram Torda, ubi est meta in arbore horost, ab hinc iuxta terram
eiusdem T(orde) vadit versus meridiem usque ad quandam ulmum que est pro meta,
de qua protenditur usque ad quendam fontem et de inde exiliens de eodem fonte
pervenit ad quercum que est pro meta et ab hinc per arbores signatas tendit
usque ad campum Chernec per mediam silvam; ab inde protenditur per campum illum
versus orientem redeundo usque ad terram dicti Polizlov, ubi est quercus signata,
sub qua est meta, a qua tendit superius contra septemtrionem conterminando terre
eiusdem Polizlov per arbores signatas, quousque venit ad primam metam que est
in dumo viminum et ibi terminatur. In cuius rei firmitatem nos ad peticionem
et voluntatem dicte domine filiique sui, ac consangvineorum P(auli) memorati
dicto M(artino) comiti presentes dedimus litteras sigilli nostri munimine roboratas.
Actum anno domini M° CC° LV°.
Vissza
a listára