Nos capitulum ecclesie Quinqueecclesiensis damus pro memoria, quod anno Domini Mo CCCo XXXmo secundo in festo assumpcionis Virginis Gloriose Stephanus filius Johannis filij Isep coram nobis comparendo extitit protestatus, quod cum ipse Quinqueecclesiis ad emanandas quasdam litteras nostras, que inter ipsum et magistrum Andream de Gara in proximis diebus festi predicti necessario emanari opportuit ad monasterium nostrum accessisset predictus magister Andreas de Gara ipsum inibi intentum interficere voluisset sine suis culpis exigentibus. Datum die et anno prenotatis.