Capitulum ecclesie Cholocensis omnibus Christi fidelibus presens sriptum inspecturis salutem in omnium salvatore ad universorum noticiam harum serie volumus pervenire, quod nobiles viri Petrus filius Keme Michael filius Clementis frater eiusdem Petri patruelis, Thomas et Stephanus filii Petri antedicti coram nobis personaliter constituti pari (?) voluntate; quandam possessionem eorum hereditariam Gara et aliam Bochhalma donativam vocatas in comitatu Budrug existentes cum omnibus utilitatibus et pertinenciis earundem universis; nobilibus viris Teteus et Vezzeus pro centum marcis vendiderunt et perpetuaverunt in filios filiorum et heredes iure perpetuo possidendam pariter et habendam, quasquidem centum marcas Teteus et Vezzeus predicti: Petro Michaeli Clementi et Stephano memoratis solverunt plene et integre. In cuius rei testimonium et perpetuam firmitatem presentes litteras nostras privilegiales concessimus sigilli nostri pendentis autentici munimiue roboratas et alphabeto intercisas. Datum feria quinta proxima post dominicam Letare Anno domini Mo CCCo XXXo quarto. Demetrio preposito, Stephano lectore, Nicolao cantore, Petro archidiacono, Johanne custode, ceterisque fratribus ibidem deo famulantibus iugiter et devote.