Capitulum ecclesie Chol(ocensis) omnibus Christi fidelibus presens scriptum inspecturis salutem in omnium salvatore. Quum ea que geruntur in tempore labuntur simul cum lapsu temporis nisi per scripti memoriam perpetuam accipiat firmitatem. Proinde ad universorum noticiam tam presencium quam futurorum harum serie volumus peruenire, quod Demetrius filius Desa et Gebech filius Michaelis filii Vnka ab una, item magister Emericus de Beche comes Bursiensis et castellanus de Leva parte ex altera coram nobis personaliter, constituti iidem Demetrius totalem suam porcionem in possessione Araan habitam hereditariam, item Gebech predictus similiter totam suam porcionem in eadem possessione Araan pretextu quarte partis filialis porcionis ipsum atingentem in comitatu Budrugiensi existentem prescripto magistro Emerico et per eum suis heredibus heredumque suorum successoribus pro quadraginta marcis denariorum banalium quamlibet marcam cum sex pensis computando, plene ab eodem receptis et persalutis (sic!) cum omnibus suis utilitatibus et pertinenciis ad easdem universis pari consilio et voluntate vendiderunt dederunt et donaverunt iure perpetuo et irrevocabiliter possidendam tenendam pariter et habendam In cuius vendicionis et emptionis testimonium perpetuamque firmitatem presentes concessimus litteras priviligiales pendentis sigilli nostri munimine roboratas. Datum Anno domini Mo CCCo XXXo secundo, tercia feria proxima post festum beati Georgii martiris, Demetrio preposito, Stephano lectore, Nicolao cantore, Petro archidiacono et Stephano custode ceterisque canonicis ibidem deo famulantibus iugiter et devote.