Capitulum ecclesie
Colocensis omnibus Christi fidelibus, presentes litteras inspecturis, salutem
in omnium salvatore. Ad uniuersorum noticiam harum serie volumus pervenire; quod
diseretus vir magister Emricus canonicus ecclesie Sancti Laurencii de Hoy ad nostram
personaliter accedens presenciam, quandam ipsius porcionem, quam in possessione
nomine Pauli in comitatu Budruguiensi existente habet titulo empcionis, eius quidem
empcionis titulum, in litteris nostris privilegialibus et in litteris abbatis
ac conventus de Chicador similiter privlegialibus vidimus contineri, cum omnibus
utilitatibus et pertinenciis suis sub metis et terminis, que et qui in litteris
capituli ecclesie Sancti Laurencii predicte divisoriis exinde confectis seriatim
continentur, comiti Helie, filio Moor de Jobag et filiis suis, videlicet Petro,
Ladislao et Kalacha, ac Stephano filio Mathei fratri sui, (sic!) qui Helias pro
se et pro iam nominatis tunc similiter aderat in nostri presencia personaliter
pro viginti marcis denariorum plene ab eisdem ut dicebat, receptis vendidit et
tradidit iure perpetuo coram nobis in filios filiorum possidendam et habendam,
salvo penitus iure seu porcione quam idem magister Emricus habere dignoscitur
in possessione Lak vocata. In cuius rei memoriam et perpetuam firmitatem presentes
litteras concessimus sigilli nostri munimine roboratas et alphabeto intercisas;
Datum secunda feria proxima post dominicam Gaudete. Anno domini Mo CCCo XXmo Demetrio
preposito Johanne Lectore, Nicolao cantore, Georgio archidiacono, Sudano custode,
ceterisque canonicis ibidem deo famulantibus iugiter et devote; devenisse, quod
idem magister Emiricus in octavis beati Nicolai confessoris nunc venturis coram
capitulo Colocensi solvet ipsi comiti Elye viginti et octo marcas partim in denariis
viennensibus, partim vero in grossis boemicalibus pro possessione Pauli memorata.
Pro quibusquidem viginti et octo marcis idem comes Elyas facta ipsa solucione
coram eodem capitulo Coloceusi in dictis octavis ipsam possessionem prelibato
magistro Emirico perpetuabit et privilegium suum quo mediante dictam possessionem
idem comes Elyas ab Emirico presbitero canonico ecclesie beati Laurencii martyris
de Hoy titulo empcionis comparasse se dicebat ad manus ipsius magistri Emirici
inpresencia ipsius capituli assignabit. Tali vinculo interposito quod si idem
magister Emiricus ipsam solucionem viginti et octo marcarum in dictis octavis
facere non curaret extunc penam dupli incurreret et ipsa possessio memorato comiti
Elye remaneret perpetuo possidenda. Preterea universas causas tam per ipsum magistrum
Emiricum quam eciam per dominum nostrum regem contra prememoratum comitem Elyam
et Petrum filium suum motas idem comes Nicolaus nomine procuratorio sopitas reliquit
et inanes predictis accionibus domini regis magistro Emirico per eundem exequi
commissis et magistri Emirici, a modo renunciando et deinceps prout se partes
spontanea obligarunt voluntate. Datum in Temuswar decio die termini prenotati.
Anno domini. Mo CCCo xxmo primo.
Vissza
a listára