Capitulum Colocensis ecclesie omnibus christi fidelibus presentem paginam inspecturis salutem in salutis largitore. Ad universorum noticiam volumus pervenire, quod cemes Nicholaus filius Sebastiani de Lok (?) Ladislaus Sebastianus, Salomon et Stephanus filii eiusdem coram nobis personaliter constituti quamdam possessionem ipsorum Thoty vocatam eorum porcionem de iure ipsos contingentem simul cum ecclesia in honore beati Michaelis archangeli constructa seu edificata et cum aliis omnibus utilitatibus videlicet cum aqua Voyes iuxta eandem ecclesiam currente cum piscinis mortua Voyos, Cakara et Kynehus vocatis cum silvis ac ceteris utilitatibus et pertinenciis eiusdem possessionis confessi sunt Heysze comiti Budrugiensi, Tholnensi et de Barana et suis heredibus heredumque successoribus eum consensu et voluntate omnium cognatorum et specialiter cum consensu Kompolth fili (sic!) Ananie ac omnima vicinorum et commetaneorum suorum pro octuaginta minus quatvor marcis vendidisse perpetuo et irrevocabiliter possidendam habendam pariter et tenendam, quamquidem sumpmam pecunie iidem comes Nycholaus et fily sui sepius nominati ab eodem comite Heysza coram nobis receperunt sine aliqua diminucione plene et integre. Assumpserunt et iidem comes Nycholaus et filii sui ac obligaverunt se coram nobis quod quicunque pro ipsa possessione seu terra de generacione ipsius comitis Nycholai vel alii ipsum comitem Heyzam vel heredes suos molestarent vel in causam traherent, ipse comes Nycholaus et fily sui sepius memorati defendere tenebuntur propriis laboribus et expensis. In cuius rei memoriam in robor perpetue firmitatis presentes concessimus nostras litteras privilegiales nostri sigilli autentici munimine roboratas. Datum anno dimini M CCC primo. Paulo preposito, Laurencio lectore, Nycholao cantore, Thoma archidiacono Colocensi, Jacobo Budrugiensi, Johanne custode, Sudano decano, ceterisque fratribus in ecclesia dei fideliter famulantibus et devote.