Capitulum Colocensis ecclesie omnibus Christi fidelibus presentem paginam inspecturis salutem in Domino. Ad uniuersorum noticiam harum serie volumus pervenire, quod Nicholaus et Gregorius filii Marini de Superiori Regnek coram diseretis viris dilectis fratribus nostris, videlicet Elya archidiacono, Vincencio presbitero vice archidiacono, Martino et Gregorio Magistris, presentibus quam plurimis iobagionibus eiusdem ville, nec non Johanne villico personaliter constituti, retulerunt oraculo vive vocis, quod Leonardus quondam villicus filius Jacobi de possessione paterna relicta ab ipso Marino, que quondam ex donacione Jacobi patris Leonardi accesserat Marino memorato, satisfecit plene per omnia restituendo, et hoc tam in vineis, quam in terris arabilibus et fundo curie, et tribus domibus ibidem edificatis. Preterea super lesione pedis Gregori, quam in captivitate Leonardi positus per yemis asperitatem incurrit, sibi duabus marcis minus fertone acceptos confessis est fiosse satisfacti. Unde Nicholaus et Gregorius iam predicti assumpserunt coram predictis fratribus nostris, quod processu temporis super divisione possessionum, et pedis lesione Gregori, nec ipsi nec posteri eorum contra Leonardum et fratrem suum filiorumque successores possint aliquam mouere questionem; et hanc diuisionem possessionum et seriem tocicius (sic!) ordinacionis prefate fratres nostri retulerunt coram nobis. Assumpserunt etiam Gregorius et Nicholaus, quod si quis contra Leonardum uel fratrem eius heredumque successores super divisione possessionum vel lesione pedig Gregrori materiam questionis moneret, propriis laboribus et expensis expedire. Insuper quod si amissio pecunie, super qua Nicholaus et Gregorius sepedicti in captiutate Leonardi fuerant detenti, quia precipue contra ipsos suspicio oriebatur, iu aliquam lucem prodiret veritas, obligaverunt se omni iudicio et ulcioni subiacere. In cuius rei memoriam presentes concessimus litteras sigilli nostri autentici munimiue roboratas. Datum anno Domini MoCCo octuagesimo nono. Nicholao preposito, lectoria vacante, Thoma cantore, Elya archidiacono Colocensi, Simone Budrugiensi, Johanne custode, Gregorio decano, ceterisque fratribus in ecclesia Dei fideliter famulantibus et devote.