Magnifico et potenti viro domino Nicolao filio Osl bano de Machou et comiti Syrimiensi, de Wolko, de Bodrogh, de Baranya, de Bach ac per excellentissimum principem dominum Karolum, Dei gracia illustrem regem Hungarie, iudici in eisdem in persona sua regia et palatini deputato, capitulum ecclesie Boznensis inclinacionem cum sumpma reverencia et honore. Receptis litteris vestre magnitudinis honore cum decenti ad statuendam et assignandum possessionariam porcionem magistri Petri filii Laurencii dicti Tuz in Vizkuz habitam vel si ipsa possessionaria porcio ad valorem quinquaginta duarum marcarum se non extenderet extunc de possessionariis porcionibus eiusdem magistri Petri in Pukur habitis et existentibus tantaque pro predicta pecunia quantitate valore mediante extimatione proborum virorum inferius annotatorum magistro Paulo filio Laurencii dicti Tuz fratri prefati magistri Petri ad quod se dem (!) magister Petrus similiter obligasset sicut plenius et expressius in eisdem litteris vestris vidimus contineri, iuxtaque earumdem continenciam cum Marcello filio Stephani de Pasga pro eodem magistro Paulo, Johanne filio Nicolai filii Tyboldi et Johanne filio Roh pro prefato magistro Petro per vos datis et assignatis discretum virum magistrum Dominicum socium et concanonicum nostrum ad exsequenda premissa pro testimonio transmisimus, qui postmodum ad reversi nobis concorditer retulerunt, quod cum ipsi in quindenis festi Beati Johannis Baptiste proxime preteritis unacum predictis nobilibus partibus ad hoc deputatis in presencia Demetrii filii Johannis filii Bece homine vestro ambabus partibus ad hoc deputato ad faciem dictarum possessionem Vizkuz et unam particulam terre inter Pukur et Malaka iacentem cum predio Marcelli sub eisdem vineis magistri Pauli cum tribus cultoribus vinearum in eadem Pukur habitis et existentibus pro ipsis quinquaginta duabus marcis cum Jacobo filio Ozrihna serviente et procuratore eiusdem magistri Petri per ipsum ad hoc destinato et officiale suo de eadem Pukur reambulassent, quiquidem Jacobus predictas possessionarias porciones sepefato magistro Paulo fratre eiusdem magistri Petri in persona eiusdem magistri Petri domini sui pro illis quinquaginta duabus marcis coram predictis nobilibus pignori obligasset. Datum in festo Beate Margarete virginis anno Domini Mo CCCo XXXo octavo.