Nos capitulum ecclesie Boznensis damus pro memoria, quod cum secundum continentiam priorum litterarum nostrarum magister Nicolaus filius Martini bani duodecim marcas in duobus terminis in octavis videlicet Pasce proxime preteritis sex marcas, alias vero sex marcas in octavis Beati Georgii martyris proxime subsequentibus Stephano filio Johannis filii Isyp coram nobis solvere debuisset. Ipso die adveniente partibus coram nobis comparentibus idem Stephanus confessus extitit viva voce, quod ipsas duodecim marcas predicto magistro Nicolao relaxasset tali modo, quod quandocumque processu temporis idem Stephanus quamcumque rem suam iuxta extimationem et valorem duodecim marcarum valentem vellet ab eodem magistro Nicolao impetere, idem magister Nicolaus ipsi Stephano absque occasione aliquali interposita soluturum se assumpsit et daturum. Datum feria secunda proxima post octavas Pasce Domini anno eiusdem Mo CCCo XXmo quinto.