Nos capitulum ecclesie Boznensis damus pro memoria, quod magister Dominicus filius magistri Stephani dicti Cimpa coram nobis personaliter comparendo causas suas, quas in octavis medii Quadragesime proxime venturis coram domino rege contra Paulum, Petrum et Nicolaum filios Phile ac Laurentium filium Laurentii nepotem eorum habere dinoscitur, Sebestiano (!) servienti suo exhibitori presencium commisit exsequendas, ratum et firmum habiturus, quitquid per predictum procuratorem suum actum et ordinatum fuerit in causis suis memoratis. Data sexta feria proxima ante octavas supradictas anno Domini Mo CCCo XXo secundo.